РУС АДЫГ

КъумпIыл Мурат: «Непэ УФ-м и Президент типащэу тызэкъоуцонышъ, зы командэу тыщытын фае»

02.04.2020

УФ-м и Президент къышIыгъэ Джэпсалъэм къытегущыIэзэ Адыгэ Республикэм и ЛIышъхьэу КъумпIыл Мурат къыхигъэщыгъ мыIофшIэгъу мафэхэм ахэгъэхъогъэным фэгъэхьыгъэ унашъор игъоу зэрэщытыр, коронавирусым пэшIуекIогъэнымкIэ Iофхэм язытет зыпкъ игъэуцогъэным ар зэрэфэIорышIэщтыр.

Мыщ дэжьым къэралыгъом ипащэ къызэрэхигъэщыгъэу, шъолъыр пэпчъ хэушъхьафыкIыгъэу укъекIолIэн фае. Арышъ, тапэкIэ республикэм щытшIыщт унашъохэр зэкIэ Iофхэм язытет зыфэдэм елъытыгъэщтых ыкIи федеральнэ гупчэм ишIэ хэлъэу гъэпсыгъэщтых. А зэкIэри цIыфхэм япсауныгъэ ыкIи ящынэгъончъагъэ къэухъумэгъэным зэрэфытегъэпсыхьагъэхэр КъумпIыл Мурат къыIуагъ.

— УФ-м и Президент типащэу тызэкъоуцонышъ, зы командэу тыщытэу Iоф зэдэтшIэным непэ мэхьанэшхо иI. Шъолъыр, муниципальнэ образование, псэупIэ пэпчъ акIуачIэ рахьыл1энышъ, пандемием пэшIуекIогъэным пылъынхэ фае. Мыщ дэжьым тызэрэзекIон фэе шIыкIэу федеральнэ гупчэм къыгъэнафэрэм къыдыхэлъытэгъэ шапхъэхэм ягъэцэкIэн апшъэу щыт. Коронавирусым цIыфхэм ыкIи бизнесым зэрарэу къафихьырэр нахь гъэушъэбыгъэнымкIэ УФ-м и Правительствэ лъэбэкъоу ышIыхэрэр дэгъоу тэлъэгъу. А лъэныкъомкIэ тэри къыттефэрэр зэшIотхыным, чIыпIэу тызэрыфагъэм тикIыным амалэу тиIэр етхьылIэным, цIыфхэм IэпыIэгъу тафэхъуным тыфэхьазыр, — къыIуагъ КъумпIыл Мурат.



Возврат к списку