РУС АДЫГ

Чылысым ишIын лъагъэкIуатэ

08.07.2020

Республикэм и ЛIышъхьэу КъумпIыл Мурат Мыекъуапэрэ Адыгеимрэ яархиепископэу Тихон тыгъуасэ IукIагъ. Диным епхыгъэ Iофыгъохэр арых анахь шъхьаIэу зытегущыIагъэхэр.

Республикэм ипащэ пэублэ псалъэ къышIызэ, коронавирусым зызщиушъомбгъурэ лъэхъаным цIыфхэр къэухъумэгъэнхэмкIэ динлэжьхэм Iофышхо зэрашIагъэр къыIуагъ.

— Чылысым къакIохэрэм шапхъэу щыIэхэр агъэцэкIэнхэм шъунаIэ тетыгъ, цIыфхэм IэпыIэгъу шъуафэхъугъ, ащкIэ инэу тышъуфэраз. Ащ ишIуагъэкIэ ыпэкIэ щыIакIэу щыIагъэм игъорыгъоу тытехьажьын тэлъэкIы, — къыIуагъ КъумпIыл Мурат.

ЗэIукIэгъум илъэхъан Свято-Успенскэ кафедральнэ чылысым ишIын Мыекъуапэ зэрэщылъыкIуатэрэм иIофыгъуи къаIэтыгъ. Охътабэ тешIагъэу псэуалъэм ишIын зырагъэжьэжьыгъэр 2014-рэ илъэсыр ары.

Мы зэдэгущыIэгъум ыуж Адыгеим и ЛIышъхьэ чылысыр зыщашIырэ чIыпIэм щыIагъ, непэрэ мафэм ехъулIэу зэшIуахыгъэр зэригъэлъэгъугъ.

Джырэ уахътэм псэуалъэм ыпкъ зэрэпсаоу агъэуцугъ пIоми ухэукъощтэп, нэмыкI IофшIэнэу зэшIуахыгъэр бэ. АщкIэ цIыф къызэрыкIохэри, гупыкI зиIэхэри IэпыIэгъу къафэхъух.

Чылысым ишIын нахь псынкIэу ухыжьыгъэным, ащ къыпэIулъ чIыпIэхэр зэтегъэпсыхьэгъэнхэм афэшI КъумпIыл Мурат Мыекъуапэ имэрэу Андрей Гетмановым пшъэрылъ гъэнэфагъэхэр фишIыгъэх.



Возврат к списку